Tuesday, December 19, 2017

Ten Websites to Help You Grow Your Best Vegetable Garden Ever



Thursday, December 7, 2017

ဂေါ်ဖီစိုက်ပျိုးနည်း

ဂေါ်ဖီစိုက်ပျိုးနည်း














ဂေါ်ဖီစိုက်ပျိုးနည်း
============
စိုက်ပျိုးနည်း
ပျိုးသေတ္တာကလေးများပြုလုပ်၍ လည်းကောင်း

၊ သို့မဟုတ် ပျိုးပေါင်းပြုလုပ်၍ လည်းကောင်း၊ 
ပျိုးထောင်၍ ပျိုးပင်ကလေးများ အရွက်လေးရွက်မှ
 ခြောက်ရွက် ထွက်လာသည့်အရွယ်တွင်
 ပြောင်းရွေ့စိုက်ပျိုးရသည်။ ပြောင်းရွေ့စိုက်ပျိုး ရာတွင် 
တစ်ပင်နှင့်တစ်ပင် တစ်ပေခွာ၍ စိုက်ရမည်။
ဂေါ်ဖီမထုပ်ခြင်း
-----------
တစ်ခါတစ်ရံ ဂေါ်ဖီထုပ်များ အထုပ်ဘဲနေတတ်သည်။

 ထိုသို့ ဖြစ်ရသည်မှာ မျိုးကြောင့်လည်း ဖြစ်နိုင်သည်။ 
ရာသီဥတုကြောင့်လည်း ဖြစ်နိုင်သည်။ ဂေါ်ဖီ ထုပ်သည် 
သက်တမ်းရက်ပေါင်း ၉၀ မှ ၁၃၀၊ တချို့ရက်ပေါင်း ၁၆၀ 
ထိရှိသည် ။ တစ်ခါတစ်ရံ ထိုသို့ ရက်ပေါင်း ၁၆၀ မျှရှိသော
 အအေးပိုင်းတွင် စိုက်သည်။ သက်ကြီးမျိုး များကို စိုက်မိလျှင်
 ထိုသို့မထုပ်ဘဲ နေတတ်သည်။ စိုက်ချိန်နောက် ကျသွားလျှင်
လည်း ဆောင်းရာသီအအေး ကုန်၍ ပူလာသောအချိန်သို
့ ရောက် သွားပြီး ဂေါ်ဖီမထုပ်တော့ပေ။ ဂေါ်ဖီသည် 
ရှမ်းကုန်းမြင့်ဒေသများတွင် တစ်နှစ်လုံး စိုက်ပျိုးဖြစ်ထွန်းသော်
လည်း ပြည်မတွင် ဆောင်းရာသီတွင်သာ စိုက်ပျိုးဖြစ်ထွန်း
သည်။
ဂေါ်ဖီထုပ်ကောင်းအောင်ပြုပြင်ပုံ
-----------------------
စောစောပျိုးထောင်ပါ။ တော်သလင်းလလောက်တွင်

 စတင်ပျိုးထောင်ပါ။ ပျိုးပင်ကလေးများ လေးရွက်မှ
 ခြောက်ရွက်ထွက်လာသောအခါ ပြောင်းရွေ့ စိုက်ပျိုးနိုင်သည်။
 ပြောင်းရွေ့စိုက်ပျိုးရာတွင် နှစ်ခါ သုံးခါ ပြောင်းရွေ့ စိုက်ပျိုးနိုင်
ပါကပိုကောင်းသည်။စိုက်ပေါင်များတွင်နွားချေး
၊မြေဆွေးကောင်းကောင်းထည့်ပေးပါ။ နှမ်းပတ်ပုပ်ရည်
များလောင်းပေးပါ။ ဓာတ်ဆား ဓာတ်မြေသြဇာကျွေးပါ။
ဓာတ်ဆာကျွေးပုံ
-------------
၁၄ပေရှိစိုက်ပေါင်တစ်ခုအတွက်ဓာတ်ဆားလေးကျပ်သား

ခန့်ကိုမြေဆွေးလေးပြည်နှင့်ရော၍ ဖြည့်ပေးပါ။
 နောက်မြေနှင့် သမပြီးမှ ပြောင်းရွေ့စိုက်ပါ။ အပင်များ 
အထနှေးလျှင် ဓာတ်ဆားကို ရေဖျော်လောင်းပါ။ ဓာတ်ဆား
 သုံးကျပ် သား (ရေလေးဂါလန်ဝင် ရေနံဆီပုံးကြီးရှစ်လုံး) 
နှင့်ဖျော်ပါ။ ၁၅ ရက် တစ်ကြိမ်လောင်းပေးပါ။

နနွင်း / ဆနွင်း စိုက်ပျိုးနည်း


နနွင်း / ဆနွင်း စိုက်ပျိုးနည်း



 






နနွင်း / ဆနွင်း စိုက်ပျိုးခြင်း
===================
Turmeric, Curcuma longa
နနွင်းသည် အပူချိန် ၂၀ံC -၃၀ံC တွင် ကောင်းစွာပေါက်ရောက်သည်။ ဧပြီ-မေလတို့တွင် စိုက်ပျိုးကြပြီး သဲနုန်းမြေကို နှစ်သက်သည်။ အခြားသီးနှံများ ကဲ့သို့ပင် မြေပြင်ပြီး ဘောင်နှင့် စိုက်ပျိုးသည်။ ပင်ကြားတန်းကြား၁ပေ x ၆လက်မမှ ၁ပေ x ၁ပေအထိ ထား၍ စိုက်ပျိူးကြသည်။ စိုက်ပြီး (၁) လခန့်တွင် အညွှန့်အရွက်များ ထွက်လာသည်။သြဂုတ်လတွင် ပန်းပွင့်၍ ခရမ်းရောင် အဖြူရောင် တွေ့ရသည်။
အပင်ငယ်စဉ်တွင် ပေါင်းရှင်းခြင်း ၊မြေဆွခြင်း ပြုလုပ်ပေးရသည်။ စုိုက်ပြီး ၉ လ-၁၀ လ တွင် အောက်ရွက်များ ဝါလာပါက ရိတ်သိမ်းနိုင်သည်။ နောက်ကျ၍ ရိတ်သိမ်းပါက မှိုစွဲခြင်း အရောင်ပြောင်းခြင်း ဖြစ်၍ အထွက်ကျသည်။ တစ်ဧကလျှင် ပိသာချိန် ၃၀၀၀ မှ ၈၀၀၀ ထိ ထွက်ရှိနိုင်သည်။ ကရိကထနည်းသော သီးနှံတစ်မျိုးဖြစ်သည်။

Source စိုက်ပျိုးရေးဦးစီးဌာန
 

Sunday, December 3, 2017

ရုံးပတီ မြေပြုပြင်ခြင်း၊စိုက်ပျိုးခြင်း၊အပင်ပြုစုခြင်းနှင့်ရေသွင်းခြင်း

ရုံးပတီ မြေပြုပြင်ခြင်း၊စိုက်ပျိုးခြင်း၊အပင်ပြုစုခြင်းနှင့်ရေသွင်းခြင်း














ရုံးပတီ မြေပြုပြင်ခြင်း၊စိုက်ပျိုးခြင်း၊အပင်ပြုစုခြင်းနှင့်ရေသွင်းခြင်း
=============================================
မြေပြုပြင်ခြင်း
----------------
မြေပြုပြင်ချိန်တွင် နွားချေးချပေးပါ။ထွန်ထယ်တို့ဖြင့်ထွန်ရေးညက်အောင်မွှေပြီး ကြမ်းတုံးရိုက်၍ ထွန်ဖြင့်စိုက်ကြောင်းဖော်ပေးပါ။ ရုံးပတီသည် မျိုးအလိုက် အပင်အရွယ်အစားကွာခြားခြင်းကြောင့် မိမိအသုံြး့ပုသော မျိုးအပေါ်မူတည်ပြီး သင့်တော်သော အပင်အကွာအဝေးကို ပြုလုပ်ပေးရမည်။ အပင်ငယ် မျိုးကို စိုက်က (၃) ပေကွာ အတန်းများဆွဲပြီး တစ်ပင်နှင့်တစ်ပင် (၁) ပေခွာစိုက်ပါ။ အပင်ကြီးမျိုးဖြစ်က (၃) ပေကွာ အတန်းများတွင် (၂) ပေခွာစိုက်ပေးရမည်။
နွေဦးစိုက် ရုံးပတီနှင့် မိုးစိုက် ရုံးပတီတို့သည် အပင်သန်စွမ်းမှုအားမတူကြပေ။ နွေဦးစိုက်ပါက အပင်သည် ကြီးထွားမှုနည်းခြင်းကြောင့် စိုက်တန်းနှင့် အပင် အကွာအဝေး လျော့ပေးရမည်။
စိုက်ပျိုးခြင်း
------------
ရုံးပတီစေ့ကို မစိုက်ပျိုးမီ (၁၂) နာရီခန့် ရေစိမ်ပေးပါ။ ရေစိမ်လျှင် မျိုးစေ့ ထုထည်၏ (၅) ဆရှိသောရေဖြင့် စိမ်ခြင်းဖြင့် ရေလဲပေးရန်မလိုပါ။ အစေ့မှ အပင်ပေါက်ရန်အတက် မြေ၏ အပူဓာတ်လည်းလိုအပ်သည်။ အနည်းဆုံး(၂၀) ဒီဂရီစင်တီဂရိတ် အထက်တွင် ရှိရမည်။ မျိုးစေ့ကို ပထမရေစိမ်၍ ရေပေါ်တွင် ပေါ်နေသော အစေ့များကို ဖယ်ရှားပစ်ရမည်။ ရုံးပတီကို တစ်နှစ်ပတ်လုံး စိုက်ပျိုးနိုင်သည်။ ရုံးပတီတွင် ဗိုင်းရပ်စ်ရောဂါ ကျရောက်လေ့ရှိသဖြင့် ပေါင်းမြက်ကင်းစင်ရန် ဂရုစိုက်ရမည်။
အပင်ပြုစုခြင်း
----------------
ရုံးပတီစိုက်လျှင် ပေါင်းမြက်ကင်းရှင်း၍ အစိုဓာတ်လုံလောက်ပြီး၊ ရောဂါကင်း ရန် အရေးကြီးသည်။ အပင်သယ်စဉ်ပေါင်းကင်းစင်ရန် သတိပြုရမည်။
ရေသွင်းခြင်း
---------------
ရုံးပတီကို အလွန်ပူပြင်းသော ရာသီတွင် ရေသွင်းပေးရန်လိုသည်။ ရုံးပတီ သည် ရေငတ်ဒဏ်ကို အတော်သင့်ခံနိုင်ရည် ရှိသော်လည်း အစိုဓာတ် ထိန်းသိမ်းနိုင်အား ကောင်းသော မြေတွင် စိုက်ပျိုးလျှင် အထွက်နှုန်း ပိုမိုကောင်းစေပါသည်။


ငရုတ်အထွက်နှုန်းတိုးစေရန်ဆောင်ရွက်ရမည့်အချက်များ


ငရုတ်အထွက်နှုန်းတိုးစေရန်ဆောင်ရွက်ရမည့်အချက်များ











ငရုတ်အထွက်နှုန်း တိုးစေရန် ဆောင်ရွက်ရမည့်အချက်များ
=========================================
၁။ ရေမြေဒေသနှင့် ကိုက်ညီသော မျိုးများမှ ဖလံဖြူကင်းပြီး အရောင်လှပသည့် အသီးမှ မျိုးစေ့ကို ရွေးချယ်၍ စိုက်ပျိုးပါ။
၂။ မြေကို ထယ်ရေးနက်နက်၊ ညက်ညက်ထွန်ပြီး ရေသွင်းရေထုတ်မြောင်းများ စနစ်တကျဖော်၍ ဆောင်ရွက်ပါ။
၃။ တစ်ဧကလျှင် အပင်ပေါက်နှုန်းကောင်းမွန်သည့် မျိုးစေ့ (၁၀၀-၂၀၀) ဂရမ်နှုန်း အသုံးပြု၍ ပျိုးထောင်စိုက်ပျိုးပါ။
၎။ ပင်ကြား၊ တန်းကြား (၂×၂) ပေ (သို့) (၂×၂.၅) ပေ အကွာအဝေးဖြင့် အပင် (၈၀၀၀ မှ ၁၀၀၀၀) ၀င်ဆံ့အောင် လေးကွက်ကြားစနစ်ဖြင့် စိုက်ပျိုးပါ

၅။ တစ်ဧကလျှင် နွားချေး (၁၀) တန်၊ ယူရီးယား (၂) အိတ်၊ တီစူပါ (၁) အိတ်၊ ပိုတက် (၁) အိတ်နှုန်း ထည့်သွင်းပေးပါ။ ယူရီးယားကို မြေခံတွင် တစ်ဝက်နှင့် ကျန်တစ်ဝက်ကို ဘောင်တင်ချိန်နှင့် ပန်းပွင့်ချိန်တွင် နှစ်ကြိမ်ခွဲထည့်ပါ။
၆။ ပျိုးသက် (၃၀-၄၅) ရက်သားတွင် စိုက်ခင်းသို့ ရွေ့ပြောင်းစိုက်ပျိုးပါ။ ရွေ့ပြောင်းစိုက်ပြီးတစ်လအကြာတွင်ကြားပေါင်းလိုက်ခြင်း၊ဘောင်တင်ခြင်းနှင့် အပင်ပြုပြင်ခြင်းကို ဆောင်ရွက်ပါ။
၇။ ရွေ့ပြောင်းစိုက်ချိန်တွင် စိုက်ခင်းတွင် အစိုဓာတ်လုံလောက်မှု ရှိစေရန် အထူးဂရုပြုရပါမည်။ အပင်လှန်ချိန် အထိ အစိုဓာတ်မပြတ်စေရန် ပန်းစတင် ပွင့်ချိန်တွင် ရေသွင်းပေးခြင်းလုပ်ငန်းကို အထူးဆောင်ရွက်ပါ။
၈။ ပိုးသတ်ဆေးနှင် မှိုသတ်ဆေးမျာကို ဖော်ပြထားသည့်အတိုင်း ပက်ဖျန်း ကာကွယ်ပေးပါ။
၉။ ငရုတ်ခြောက် အရည်အသွေးကောင်း ရရှိစေရန်အတွက် ပန်းပွင့်ပြီး (၆-၈) ရက်အကြာတွင် ကောင်းစွာ ရင့်မှည့်၍ အနီရောင်သန်းသော ငရုတ်သီးများ ကိုသာ ဆွတ်ခူးပါ။
၁၀။ အရည်အသွေးကောင်းမွန်သော ငရုတ်ခြောက်များ ရရှိစေရန် (၆၀ံ) စင်တီဂရိတ်ရှိသော ရေနွေးတွင် ဘီနိုမိုင်း မှိုသတ်ဆေး (၁း၁၀၀) နှုန်းဖျော်ကာ (၅) မိနစ်စိမ်၍ (၃-၄) ရက် နေလှန်းပါ။

#Pissaya_Info
Source by - လယ်/ဆည်

Thursday, November 30, 2017

" စိုက်ပျိုးရေးအတွက် အသုံးဝင် ဆားခါး epsomsalt အကြောင်း "

" စိုက်ပျိုးရေးအတွက် အသုံးဝင် ဆားခါး epsomsalt အကြောင်း "

#ဆားခါး၏ ဓာတုဗေဒ အမည်မှာ မဂ္ဂနီဆီယမ် ဆာလ်ဖိတ် Magnesium Sulphate MgSo4 7H2O ဖြစ်သည်။
#ဆားခါး (Epsom Salt) ၏ ဓာတုပေါင်းစပ်ဖွဲ့စည်းပါဝင်မှုမှာ MgSO4-7H2O (Hydrated Magnesium Sulfate) ဖြစ်သည်။
#၎င်းတွင် မဂ္ဂနီစီယမ် (Magnesium)  ဓာတ် ၁၀% ခန့် နှင့် ဆာလ်ဖာ (Sulfur)  ဓာတ် ၁၃ % ခန့် ပါဝင်သည်။
#ဆားခါးကို ၀မ်းနှုတ်ဆေး တစ်မျိုးအဖြစ် အသုံးပြုကြသော်လည်း မြေသြဇာအဖြစ် အသုံးပြုရန် သတိမထားမိကြပေ။
#ဆားခါးတွင် အပင်များအတွက် မရှိမဖြစ် လိုအပ်သော ဒြပ်စင်နှစ်မျိုးဖြစ်သည့် မဂ္ဂနီဆီယမ် Magnesium နှင့် ဆာလ်ဖာ Sulpha ခေါ် ကန့်ဓာတ် ပါဝင်နေသည်။
#မဂ္ဂနီဆီယမ် မှာ ကမ္ဘာမြေသားထု၏ ၂ရာခိုင်နှုန်း ပါဝင်နေပြီး၊ ပင်လယ်ရေတွင် တစ်သန်းပုံ ၁၃၀၀ ပုံ (1300 part per milliom) ပါ ဝင်နေသည်။
#ခါးသက်သော အရသာရှိ၏။ ထို့ကြောင့် ၎င်းကို တခါတရံ Bitter Salt ဟုလည်း ခေါ်ကြသည်။ အိမ်သုံးဆား (Table salt: Sodium Chloride) နှင့် မတူသည်မှာ အိမ်သုံးဆားက ပင်လယ်ရေကို အငွေ့ပျံ့စေခြင်းဖြင့် ရရှိပြီး ဆားခါး (Epsom Salt) က ကျိုချက်သန့်ဇင်ပြီးမှ ရရှိနိုင်ခြင်းဖြစ်သည်။ ဆားခါးသည်လည်း အိမ်သုံးဆားနည်းတူ ရေတွင် အလွယ်တကူ ပျော်ဝင်နိုင်ပါသည်။
#အပင်များ အလင်းမှီအစာဖွဲ့ခြင်း Photosynthesis ဖြစ်စဉ်မှာ နေရောင်ခြည်မှ အလင်းစွမ်းအင်ကို အပင်အတွင်း ဇီဝစွမ်းအင်၊ ဓာတုစွမ်းအင် အဖြစ် ပြောင်းလဲခြင်း ဖြစ်စဉ်ဖြစ်သည်။
$ထိုဖြစ်စဉ် ဖြစ်မြောက်ရန် အဓိကလိုအပ်သော အစိမ်းရောင်ချယ် ကလိုရိုဖီးလ်၏ အဓိကဓာတ်စင်မှာ မဂ္ဂနီဆီယမ် ဖြစ်သည်။ မဂ္ဂနီဆီယမ်သည် ကလိုရိုဖီးဖြစ်ပေါ်ရန် အဓိကလိုအပ်သော ဖြစ်စဉ် ဖြစ်သည်။ မဂ္ဂနီဆီယမ် ကြောင့်သာ အစိမ်းရောင်ချယ် ကလိုရိုဖီးလ် ဖြစ်ပေါ်နိုင်သဖြင့် အပင်များ စိမ်းစေရန် မဂ္ဂနီ ဆီယမ် မြေသြဇာကို အသုံးပြုရန် လိုအပ်ပေ သည်။
#အပင်များမှာ ကလိုရိုဖီးကြောင့် စိမ်းပြီးနေပါမှ ကျန်းမာကြမည် ဖြစ်သည်။ ထို့ကြောင့် စိုက်ပျိုးသူများ အနေနှင့် အပင်များ ကျန်းမာနိုင်ရန် စိမ်းစိုနိုင်ရန် မဂ္ဂနီဆီယမ် မြေသြဇာ ကျွေးကြသည်။
#ဆာလ်ဖါ ခေါ် ကန့်မှာ အပင်များအတွက် အဓိက အများလိုဓာတ်စင် (၃) မျိုးဖြစ်သော နိုက်ထရိုဂျင် (N)၊ ဖေါ့ဖရပ်(စ်) ခေါ် မီးစုန်းဓာတ် (P) နှင့် ပိုတက်စီယမ် ခေါ် ပြာဓာတ် (K) တို့မှလွဲလျင် အရေးအပါဆုံး ဓာတ်စင် ဖြစ်သည်။
#အဓိကအားဖြင့် အပင်များအတွက် မရှိမဖြစ် လိုအပ်သော အမိုင်နိုအက်ဆစ်များအနက် (၃) မျိုးမှာ ဆာလ်ဖာ ပါဝင်နေသည်။
#ဆာလ်ဖာ ပါဝင်နေသော အမိုင်နိုအက်ဆစ် (၃) မျိုးမှာ မီသယိုးနင်း၊ စစ်စတင်းနှင့် စစ်စကိုင်း တို့ ဖြစ်သည်။
#ဆာလ်ဖာ လိုအပ်မှုများသော (အမိုးနီးယမ်း ဆာလ်ဖိတ်ကို အသုံးများသည်။ မဂ္ဂနီဆီယမ် ဆာလ်ဖိတ်ခေါ် ဆားခါး ကိုကား မဂ္ဂနီဆီယမ် မြေသြဇာ အဖြစ်သာ အဓိကထား အသုံးပြုကြသည်။
#ထို မြေသြဇာမှာ ရေတွင် ကောင်းစွာ ပျော်ဝင်သောကြောင့် မြေသြဇာအဖြစ် သာမက အရွက်ဖျန်း မြေသြဇာအဖြစ်ပါ ကောင်းစွာ အသုံးပြုနိုင်ကြသည်။
#ဆားခါး၏ အခြား ထူးခြားသော ဂုဏ်သတ္တိ များမှာ အစေ့များ အညှောင့်ပေါက်ခြင်းကို ကောင်းမွန်စေခြင်း ဖြစ်သည်။ ထို့ကြောင့် သီးနှံပင်များ၏ အစေ့များ အညှောင့်ပေါက်သောအခါ ပိုတက်စီယမ်နိုက်ထရိတ် အရည်ထဲ ခေတ္တစိမ်ပြီးမှ အညှောင့်ပေါက်သကဲ့သို့ မဂ္ဂနီဆီယမ် ဆာလ်ဖိတ်(ဆားခါး) ကိုလည်း အလားတူ အသုံးပြုနိုင်သည်။
#အစေ့များ အညှောင့်ပေါက်ခြင်း ကိုသာမက ပင်ပေါက်ငယ်များ ဆက်လက်ကြီးထွားခြင်းကို အားပေးသည်။
#ဆားခါးကို သွင်းရေ၊ လောင်းရေတို့နဲ့အတူ အရည်ဖျော်ပြီးပက်ဖျန်း၊လောင်းနိုင်သကဲ့သို့ မြေအတွင်းသို့ တိုက်ရိုက်ထည့်သွင်း ကျွေးလျှင်လည်း ရပါသည်။
#အပင်ကြီးများ (၉ ပေ ပတ်လည် မြေနေရာအတွက် ဆားခါး ဟင်းစားဇွန်း ၂ ဇွန်း ကို တစ်နှစ် ၃ ကြိမ်ခန့် ကျွေးပေးပါ)
    #အုန်းပင် (အပင်ကြီးများအတွက် တစ်ပင်လျှင် ၂၀၀ ဂရမ်နှုန်းနှင့် အပင်ငယ်များအတွက် တစ်ပင်လျှင် ၁၀၀ ဂရမ်နှုန်း ကို ၁ နှစ်လျှင် ၃ ကြိမ်ကျွေးပေးပါ)
    #ချုံနွယ်အုပ်စုဝင်အပင်များ (၉ ပေ ပတ်လည် မြေနေရာအတွက် ဆားခါး ဟင်းစားဇွန်း ၁ ဇွန်းကို ၃-၄ ပတ်တစ်ကြိမ်ခန့် ကျွေးပေးပါ)
    #အလှစိုက်မြက်ခင်းများ (၁၂၅၀ ပေ ပတ်လည် မြေနေရာအတွက် ဆားခါး ၃ ပေါင်ခန့်ကို ရေတွင် ဖျော်၍ ဆေးဖျန်းပုံးဖြင့် ပက်ဖျန်းပေးပါ)
    #နှင်းဆီပင်များ (အမြင့် ၁ ပေခန့် နှင်းဆီပင်များကို တစ်ပင်လျှင် ဆားခါးဟင်းစားဇွန်း ၁ ဇွန်းကို ၂ ပတ်တစ်ကြိမ် ကျွေးပေးပါ)
    #အိမ်အလှဆင်အပင်များ (ဆားခါးဟင်းစားဇွန်း ၂ ဇွန်းကို ရေ တစ်ဂါလံတွင် ဖျော်၍ ၁ လ တစ်ကြိမ် လောင်းရေနှင့်အတူ ကျွေးပေးပါ)
    #ခရမ်းချဉ်/ငရုတ်ပင်များ (အမြင့် ၁ ပေခန့် ခရမ်းချဉ်ပင်များကို တစ်ပင်လျှင် ဆားခါးဟင်းစားဇွန်း ၁ ဇွန်းကို ၂ ပတ်တစ်ကြိမ် ကျွေးပေးပါ) တို့အဖြစ် တွေ့ရသည်။

#ကိုးကား
ဦးဖရက်သိန်းဖေ
ဟန်ဖြိုးအောင် (ဥယျာဉ်ခြံ)
Crd:  Lu Gyan Gyi

Tuesday, November 28, 2017

ကင်းပွန်ချဉ်စိုက်ပျိုးနည်း

ကင်းပွန်ချဉ် စိုက်ပျိုးနည်း



ကင်ပွန်းချဉ်မျိုး တစ်မျိုးတည်းသာရှိပြီး မူရင်းဒေသကိုတော့ မှတ်တမ်းတင်ထားခြင်း မတွေ့ရှိပါ။
မြန်မာအမည်မှာ ကင်ပွန်းချဉ်ဖြစ်ပြီး အင်္ဂလိပ်အမည်မှာ Soap Pod ဖြစ်သည်။ ရုက္ခဗေဒ အမည်အားဖြင့် Acacia concinna ဖြစ်ပြီး MIMOSACEAE မျိုးရင်းတွင် ပါဝင်သည်။
စိုက်ပျိုးသည့်ဒေသ
ရှေးယခင်က ခြံစည်းရိုးတန်းအဖြစ်စိုက်ပျိုးပြီး အညွန့်ခူးရောင်းချကြသည်။ ယခုအခါ ကင်ပွန်းချဉ်ကို စီးပွားဖြစ် အခင်းလိုက်စိုက်ပျိုးလာကြပြီး အညွန့်ထွက်အောင် ပြုပြင်ပေးကြသည်။ ဒေသမရွေးစိုက်ပျိုးနိုင်ကြသည်။
ရေမြေရာသီဥတု
မိုးများသော အောက်မြန်မာနိုင်ငံတွင် ကောင်းစွာဖြစ်ထွန်းသည်။ အထက်ပိုင်းတွင်လည်း ရေစနစ်တကျ ပေးနိုင် ပါက ဖြစ်ထွန်းနိုင်ပါသည်။ မြေဆွေဓာတ်များသော သဲနုန်းမြေ၊ နုန်းမြေစေးများတွင် ဖြစ်ထွန်းသည်။ ရေဝပ်ခြင်းကို မကြိုက်လို့ ရေကောင်းစွာထုတ်ပေးရန်လိုအပ်သည်။
စိုက်ခင်းမြေပြုပြင်ခြင်း
မြေထုပ်စီးထားသော ကင်ပွန်းချဉ်ကို မြေမချမီတစ်ပတ်ခန့်အလိုတွင် စိုက်ခင်းမြေပြင်ရမည်။ စိုက်ခင်းနေရာကို မြက်ပြောင်အောင်ရှင်း၍ နွားထွန်ဖြင့်သော်လည်းကောင်း၊ ပေါက်ပြားဖြင့်လည်းကောင်း မြေလှန်ပေးရမည်။ ပြီးနောက် မြေကို ညီညာအောင် ပြန်ညှိထားရမည်။
စိုက်ပျိုနည်း
မြေထုပ်စီးထားသော ကင်ပွန်းချဉ်ကိုင်းကို မြေလုံးမပျက် အုန်းဆံမခွာပဲ စိုက်ရပါမည်။ စိုက်ပျိုးရာတွင် တန်းကြား ၆ ပေ၊ ပင်ကြား ၃ ပေခြား၍ အကိုင်းကြီးလျှင် မြေအနက် ၆ လက်မ ၊ အကိုင်းသေးလျှင် ၄ လက်မ မြှုပ်၍ စိုက်သည်။ မြေထုပ်စီးကိုင်းကို မတ်မတ်ထောင်နေအောင်စိုက်ရသည်။ ပြီးနောက် အပင်ရင်းတွင် မြေကို ၄ လက်မခန့် မြင့်အောင်ဖုံးပေးပြီး မြေမဟာစေရန် လက်ဖြင့် ဖိပေးရသည်။ 
မိုးပြတ်သွားပါက (၃)ရက်ခန့်ဆက်တိုက် နေ့စဉ် တစ်နေ့တစ်ကြိမ် ရေလောင်းပေးရန်လိုသည်။
မျိုးပွားနည်း
မြေထုပ်စည်းနည်းဖြင့် မျိုးပွားကြသည်။ စိုက်ချိန်ပေါ်မူတည်၍ တစ်လခန့် ကြိုတင်ပြီး မြေထုပ်စီးကြသည်။ ထို့ကြောင့် ကင်ပွန်းချဉ်ကို ဩဂုတ်လနှင့် စက်တင်ဘာလအတွင်း မြေထုပ်စီးကြသည်။ မြေထုပ်စီးပြီး (၂၁) ရက်တွင် အမြစ်စထွက်ပြီး (၇) ရက်ခန့်တွင် အကိုင်းဖြတ်စိုက်နိုင်သည်။ တိုက်ရိုက်အစေ့ချ စိုက်ပျိုးခြင်း၊ အစေ့ကို ပျိုးထောင်ခြင်းဖြင့်လည်း မျိုးပွားနိုင်သည်။ အစေ့စိုက်အပင်သည် အညွန့်ထွက်နိုင်ရန်ကြာသဖြင့် ထိုနည်းကို အသုံးမပြုပဲ မြေထုပ်စီးနည်းကိုသာ အသုံးပြုကြသည်။ 
မြေဩဇာကျွေးနည်း
ကင်ပွန်းချဉ်စိုက်ပျိုးပြီးစအခင်းတွင် စိုက်ပြီး (၃) ပတ်မှ တစ်လအတွင်း (၁၀)လံမြောင်း တစ်မြောင်းလျှင် ယူရီးယားဓာတ်မြေဩဇာ နို့ဆီဘူးဝက်ခန့် ကျွေးကြသည်။ ထို့ပြင် စိုက်ပြီးစ အခင်းတွင် နိုဝင်ဘာလလျှင် (၁၀)လံ မြောင်းတစ်မြောင်းကို နွားချေးဆွေးခွဲတောင်း (၁၀) တောင်းခန့်ကျွေးပေးသည်။ နွားချေးဆွေးကျွေးရာတွင် ဘောင်ခွဲပြီးကျွေးရသည်။ မြေပြန်ဖုံးပေးရသည်။ ဘောင်ခွဲရာတွင် အပင်အမြစ်များမထိခိုက်အောင် ဂရုစိုက်ရ သည်။ ရွက်နုထွက်ရန်အတွက် အကိုင်းချိုင်ပြီးသည်နှင့် မြေဩဇာကျွေးရသည်။
အပင်ပြုပြင်ခြင်း
အပင်များကို (၄) ပေခန့် အမြင့်ထားပြီး လုံးဝိုင်းပုံဖြစ်သွားအောင် အကိုင်းများကို ချိုင်ပေးရသည်။ အရွက်ပြောင် အောင်လည်း ချွေပေးရသည်။ ရွက်ကြမ်းချသည်ဟုခေါ်သည်။
စိုက်ခင်းတွင် အကိုင်းချိုင်ပြီးသည်နှင့် မြေဩဇာကျွေးပြီး ရေဝအောင်လောင်းပေးရသည်။ ငုတ်တက်စိုက်ခင်းတွင် အကိုင်းချိုင်ပြီး (၁၅)ရက်တွင် အညွန့်သစ်များထွက်သည်။ (၄) ပေအမြင့်ထားပြီးချိုင်သောစိုက်ခင်းသည် (၃) ပတ်ခန့်ကြာလျှင် အညွန့်သစ်ထွက်လာသည်။ အကိုင်းချိုင်ခြင်းကို တစ်နှစ်လျှင်တစ်ခါ နိုဝင်ဘာလတွင် ပြုလုပ်ပေးကြသည်။
ခူးဆွတ်ခြင်းနှင့် အထွက်နှုန်း
မြေဩဇာ အပြည့်အဝကျွေးပြီး ရေအပြည့်အဝလောင်းပေးလျှင် (၅) ရက်တစ်ကြိမ်ခန့် ဆွတ်ခူးနိုင်သည်။ အညွန့် ခူးခြင်းကို တစ်နွေလုံးခူးနိုင်ပြီး အောက်တိုဘာလတွင် မခူးပဲ (၂) လခန့် အနားပေးကြသည်။
ကင်ပွန်းချဉ်အညွန့်ကိုခူး၍ စီးပွားဖြစ်စိုက်ပျိုးရောင်းချသော စိုက်ခင်းများတွင် အသီး သီးသည်အထိ မထားပါ။ ကင်ပွန်းချဉ်အသီးကို အမျိုးသမီးများ ခေါင်းလျှော်ရည်တွင် လျှော်ခေါက်နှင့်အတူ ထည့်ပြုတ်ပြီး သုံးလေ့ရှိကြသည်။ 
တစ်ဧက တစ်ခါခူးလျှင် ကင်ပွန်းချဉ်အစီးပေါင်း (၁၂၀၀) ခန့်ရနိုင်ပါသည်။ (၅) ရက်တစ်ကြိမ်ကျ ခူးသဖြင့် တစ်ဧကစိုက်ခင်းမှ တစ်လလျှင်အစီးပေါင်း (၇၂၀၀၀) ခန့်ရနိုင်ပါသည်။

ကိုးကား - ဟင်းသီးဟင်းရွက် စိုက်ပျိုးနည်း